星期四, 7月 09, 2009

去旅行 II - 珍有趣景點

開始再介紹珍有趣景點之前, 我想叫大家小心

近來有一班人渣, 嚟個blog留言, 講類似以下嘅野:
哈囉~~~~你好!!逛到你的網誌來參觀~~~~留個言支持一下~~~~
你的文章不錯喲,難怪這麼熱門!我會常來看看的~~~加油哦!

哩班人渣邊有咁好死, 其實佢地係到買色情廣告, 我一睇個source code就知道

我勸大家要小心, 如果有啲人三唔識七留如上面個啲咁嘅留言, 請盡快delete呀

我個blog的google版本:
http://tonynkaren.blogspot.com/2009/07/ii.html

好, 大家準備就開始啦, 我地現在就去:

new-brunswick


珍有趣9: 搵笨長命斜
每次入去哩到都要比5$, 話架車入空波會逆斜而上喎, 其實係好搵笨, 只不過係一個視覺上嘅錯覺, 雖然係咁, 但仍然有千千萬萬嘅人山長水遠嚟比錢佢, 真係 o 晒咀呀


珍有趣10: 超巨型龍蝦
隻龍蝦真係好大好長呀, 你見相入面兩個人幾細粒就知佢大啦, 如果比佢鉗一吓, 隨時分開兩截呀


珍有趣11: 污染龍頭大自然公園
真係新奇, irving 係供應石油嘅大公司, 成日都有油船漏油污染海面, 估唔到佢地會起個大自然公園教人保育呀, 真係一啖沙糖一啖....



珍有趣12: 呀媽高速餵仔
其實唔係好珍奇, 不過我影相咁渣都影到, 都算係咁啦, 個雀媽媽真係歸心似箭呀, 個仔見到呀媽超興奮, 個咀開得幾大


珍有趣13: 鈍胎肥雞
開頭見佢地, 諗著行埋啲會雞飛狗走啦, 點知行到佢旁邊, 佢地都可以旁若無人咁曬太陽, 都唔知讚佢大膽好, 定係肥到行唔到呀


珍有趣14: 巨型三文魚
真係超大條, 差唔多有2層樓咁高呀, 咁大條, 如果係真, 咁啲三文魚子咪成個保寧球咁大, 嘩, 正呀

quebec:


珍有趣15: 佢型風車
比起啲咩大龍蝦, 大三文有用好多啦, 風車真係好大座同埋漫遍山野呀, 唔好諗著到到都會見到呀, 只係某幾個鎮先有得睇, 有個仲要比錢先有得參觀呀



珍有趣16: 鬼老望夫石陣
香港有一個係山邊, 只係個型似似地, 哩到, 有成大班, 個個樣都戇吓戇吓咁, 好似欠佢錢咁呀, 不過我諗佢地唔係望夫, 似難民搵地方落腳就真

~~~完~~~ 下個星期, 食譜會出返啦

沒有留言 :

張貼留言

Related Posts Plugin for WordPress, Blogger...