星期五, 8月 28, 2009

減肥? 為了甚麼?

以下內容, 純粹個人意見, 請找專業註冊營養師去了解正確的資訊

上個post:
http://hk.myblog.yahoo.com/tony-karen/article?mid=37853
叫大家去check check 一日要用幾多卡路里先夠, 大家有無試呀?

今日再叫大家去這裡check check 體質指數(BMI), 看看自己是否過肥:
http://www.she.com/body/eatwell/index.cfm?object_id=1

今日主題: 減肥? 為了甚麼?

好多人話要減肥, 點解呢? 咩原因呢? 好多人話要瘦, 但都講唔出真正嘅原因

有好多人其實本身雖然唔係瘦, 都唔見得話肥, 都話要去減肥, 其實真係好無謂

不過人云亦云, 10朋友8個話你肥, 你係唔係可以話唔理呢? 名人偶像個個都話瘦身減肥, 全世界都鼓吹一種瘦先叫靚嘅歪理, 個個人都覺得好有壓力, 好似肥少少就係罪咁

其實靚唔應注重係瘦同唔瘦, 當然我亦唔係話肥先靚啦, 但係過瘦又或者勉強纖體只會令健康質數下降

人的神態, 皮膚會隨你的健康而改變, 瘦但面青口唇白, 相目無神, 咁又點叫靚先?  所以我成日同人講, 你要減肥, 無問題, 但點解你覺得要減? 如果只係因為覺得人瘦我要瘦, well, 諗清楚先, 你係唔係真係過肥先, 唔係的話, 點解唔做多啲運動令自己健康啲, 咪仲靚

仲有好多人會去纖體公司瘦身, 其實真係要瘦的話, 應該去搵註冊營養師, 等專業人士為你個別嘅體質, 去度身訂做一個適合你的長久嘅瘦身療程

去纖體公司等於屋企好污糟, 叫人嚟幫你執屋一樣, 你生活習慣唔變的話, 屋企執完咪又係會再污糟過, 所以減肥唔係一朝一夕, 係改變自己生活方式嘅長期抗爭

所以一定要諗清楚, 做咩要咁辛苦, 點解一定要減肥呢? 唔係過肥, 又無咩健康問題, 咁減嚟做咩? 因為朋友話你? 因為明星偶像? 你就係你, 自己無問題做咩要理人點睇你? 快啲做返自己, 比啲自信自己, 人要有自信, 有自信先會靚, 瘦身唔一定係好, 亦唔代表靚!

 

 

6 則留言 :

Related Posts Plugin for WordPress, Blogger...