星期三, 10月 31, 2018

【蜜糖叉燒醬焗三文】


阿囡其實喜歡吃叉燒,但有時,啲肉對佢來講都係太難咬,所以決定試吓用三文魚代替,嘩,佢好鍾意食喎,睇落叉燒三文應該會出日後現好多啦,好味,三文魚要煮熟,但唔好過熟,否則一篤就散開晒,無晒汁就唔好食

類似做法:http://tonynkaren.blogspot.com/2013/07/baked-salmon-with-balsamic-vinegar-and.html
改動: 個汁改用通少叉燒汁:
http://tonynkaren.blogspot.com/2015/08/charsiu.html

焗完再搽上蜜糖就搞掂,記得唔好焗太耐,唔熟手,最好就焗15分鐘就取出檢查,只要無鴛鴦色,魚變淡粉紅就得,否則放回入爐再焗,每5分鐘再檢查一次



觀看食譜內容 ...

星期二, 10月 30, 2018

【海南雞飯-電飯煲版】


好易整,味道仲非常好,一煲過,唔駛煩呀

做法:蒜頭5粒切開,紅蔥頭2粒去衣切件,薑片3塊拍扁,鑊大火燒熱,加1茶匙油,將蒜頭,紅蔥頭,薑片爆香(3-4分鐘),再加青蔥2條切段同炒2-3分鐘,加入清水半杯,加1茶匙黃薑粉,雞粉,鹽,用細火蓋頂煮20分鐘,然後將雞肉400克切件,先用加1茶匙糖,1茶匙蒜粉,1茶匙鹽醃10分鐘,再加2茶匙粟粉,1茶匙油撈勻,然後洗2杯米,隔好水放入電飯煲,加有鹹味雞湯到飯煲寫著1杯飯的位置,再將煮好嘅湯,隔好渣,加入飯煲直至去到煲寫著1.7杯飯的位置,即係未足2杯飯個指示位,然後煲飯,一見有煙,就將3條拍扁嘅香茅放係飯面,再平均鋪上雞肉,再蓋好蓋,等飯煲好就得



觀看食譜內容 ...

星期四, 10月 25, 2018

【咖喱薯仔焗雞翼】

因為懶,所以用焗爐整,比傳統做法更簡單,但無咩汁,唔係撈飯餸,阿囡對有汁唔好,所以咁整反而好啱佢食,再加埋黃肉薯仔,真係冇得輸
做法:14雞全翼分件(切開翼尖,中翼,同翼鎚),放入膠袋,加落1茶匙鹽,1茶匙蒜粉,1茶匙黑椒粉,2茶匙唔辣咖喱粉,4撈勻,封好膠袋,醃3小時或以上茶匙港式咖喱醬(淘X,李X記k個啲),1茶匙雞粉,2茶匙水,撈勻,封好膠袋醃3小時或過夜,然後放上焗架,每隻雞翼掃上室溫軟身牛油,另一個焗盤,就放入去皮,切好件嘅薯仔,加1茶匙蒜粉,1茶匙黑椒粉,2茶匙港式咖喱醬撈勻,再加半杯水或雞湯,用錫紙包好,然後連同雞翼放入焗爐焗30分鐘,就搞掂,食得
觀看食譜內容 ...

星期一, 10月 22, 2018

【潮州花生豬手湯/凍】

我媽媽細個成日都整,特別係冬天,佢話骨膠原多,對乾燥皮膚有好處喎,熱食都好味嘅,似湯飯,點魚露真係神來之筆,非常好味,之後好鍾意凍食,無骨成粒啫喱咁,入口即溶,加啖飯,真係徘徊係冷靜與熱情之間咁呀 🤣🤣🤣
做法:豬手約1000克,放入鑊,加入凍水至蓋過豬手,開中火,煲至水滾,再煮5-8分鐘, 用凍水洗淨備用,然後用煲湯煲,煲內放入洗乾淨嘅乾冬菇10隻,1/4杯洗乾淨乾蝦米,1/2杯洗乾淨嘅去殼花生,豬手,加水至蓋過豬手,大火滾起煮15分鐘,轉細火慢慢煲2小時或至豬手腍身, 冬菇取出去蒂,再放回煲內,加入1-2茶匙魚露少去調味即可, 其間若水份太少, 則要加熱水補充,吃時豬手可以點魚露吃,或唔食個湯,將豬手起咗骨放涼後,放入雪櫃,隔日就會變成啫喱,將豬手啫喱切成粒,成粒點魚露食又得
觀看食譜內容 ...

星期四, 10月 18, 2018

【五香滷水牛腱】



做法:將1100克至2000克牛腱,放入鑊,加凍水浸過,開中火煮至水滾,再煮5分鐘,洗淨備用,鑊放入1茶匙油,用中火燒熱,加入桂葉2塊,薑片2塊,蒜頭2粒,肉桂條2枝,八角1粒,甘草1塊,草果1粒,炒2分鐘,加入鹵水汁1枝,清水2/3枝,蔥段2條,五香粉2茶匙,牛腱大火煲滾,煮10分鐘,轉細火炆40分鐘,放入炸豆腐片,開大火煮5分鐘,轉細火炆40分鐘,牛腱應該可以容易被筷子插進,否則重複大火細火炆一次,煮完要浸3小時上,然後切片,搞掂食得,要鹵水溏心蛋就成煮好溏心蛋https://youtu.be/iRRRm0jL5e0
然後等鹵水凍咗,將剝殼蛋同鹵水放入密實袋浸一晚即成
用智能高壓煲的話,煮25分鐘就得,之後再加豆腐片入高壓煲再煮1分鐘就得,然後由佢浸6小時
觀看食譜內容 ...

星期三, 10月 17, 2018

【瑤柱肉粒炒蘿蔔】



呢味餸比較清,卡路里亦較低,大人小朋友都啱食

做法:將400克碎豬肉,入鑊加1茶匙油,將豬肉弄散,加1茶匙糖,1茶匙鹽,1茶匙蒜粉,用大火炒至轉色,盛起隔油備用,鑊洗淨,加1茶匙油,加入洋蔥絲(1個洋蔥),蒜片(蒜頭1粒),瑤柱碎(浸軟瑤柱5粒,去硬塊),加1茶匙鹽炒至洋蔥軟身,加入豬肉,白蘿蔔(1條,去皮切條),浸瑤柱水1/4杯,有含味雞湯1/2杯,芫茜粒炒勻,改頂改中火焗10分鐘,蘿蔔絲腍,試味,唔夠鹹加鹽調味,搞掂食得

日日唔同餸食譜:
https://www.facebook.com/search/str/%23%E6%97%A5%E6%97%A5%E5%94%94%E5%90%8C%E9%A4%B8/keywords_blended_posts?filters_rp_author=%7B%22name%22%3A%22author%22%2C%22args%22%3A%22100024120003298%22%7D&pnref=story&filters_rp_chrono_sort=%7B%22name%22%3A%22chronosort%22%2C%22args%22%3A%22%22%7D
#瑤柱 #豬肉 #白蘿蔔 #清淡 #健康 #今晚食乜餸 #晚餐 #通少 #日日唔同餸 #小朋友食譜
觀看食譜內容 ...